Миланнинг "Интер" клуби ҳужумкор ярим ҳимоячиси Валентин Карбони клублар ўртасидаги жаҳон чемпионатида "Урава Ред"га (2:1) қарши ўйинда жамоасига ғалаба келтирди.
20 ёшли аргентиналик футболчи 72-дақиқада захирадан майдонга тушди ва 92-дақиқада "нерадзуррилар"нинг ғалаба тўпини киритди.
"Голдан кейинги кўз ёшларим? Бу ҳиссий лаҳза, сўнгги ойлар мен учун жуда қийин кечди. Бугун ғалаба қозонишга лойиқ эдик. Лаутаро Мартинес тақлид қилиш учун намуна. У ҳар доим ютқазаётганда ғазабланади, ғалаба қозониш учун жуда оч. Мен ундан ўрганишга, унинг менталитетини ўзлаштиришга ҳаракат қиляпман," - деди Карбони ўйиндан кейин берган интервьюсида.
