"Барселона" дарвозабони Марк-Андре тер Штеген аввалги даражасига қайтмаслиги мумкин, деб ҳисобламоқда.
Ўтган йилнинг сентябрь ойида немис тиззасидан жиддий жароҳат олганди - у фақат май ойида сафга қайтди. Catalunya Radio хабарига кўра, "Барселона" тер Штегеннинг ҳолатидан жиддий хавотирда. Дарвозабон оғир жароҳатдан сўнг формасини тиклаб олиши учун мунтазам ўйин амалиётига муҳтож, аммо Каталония клуби энди унга умид қилмаяпти.
Яқинда "Барселона" янги мавсумда жамоанинг асосий посбонига айланиши кутилаётган Жоан Гарсияни ўз сафига қўшиб олганини эълон қилди.
