"Ливерпул"нинг янги ярим ҳимоячиси Флориан Вирц клуб бош мураббийи Арне Слот билан учрашганидаги илк таассуротлари ҳақида гапирди.
"Суҳбатларимиз доим ижобий муҳитда ўтган. У менга биринчи марта биз ўйнамоқчи бўлган ўйин элементларининг видеоклипларини кўрсатганини ва унга қандай мослашишимни тушунтирганини жуда яхши эслайман.
У мени таркибда - жамоани кучайтира оладиган футболчи сифатида кўришни жуда хоҳлашини айтди.
Менга бу ёндашув ёқди. Мен ҳар ҳафта ўз ҳиссамни қўшишим ва яхшиланишим мумкинлигини ҳис қиламан.
Айнан шунинг учун ҳам шу ердаман", дея футболчининг сўзларини келтиради клуб матбуот хизмати.
