"Барселона" спорт директори Деку жамоа вингери Ансу Фатининг кетиши мумкинлиги ҳақида гапирди. Аввалроқ, футболчи ижара асосида "Монако"га ўтишга яқин экани ҳақида хабарлар тарқалган эди.
"Ёши ва фаолиятини ҳисобга оладиган бўлсак, Ансу Фати ўйин амалиётисиз ўтира олмайди. Аммо агар у кетса, ижарада бўлади. У 23 ёшда, лекин одамлар у ҳақида гўё 30 ёшда бўлгандек гапиришади. Унинг ҳали ўсиши ва ўрганиши керак бўлган нарсаси бор", - дейди Деку.
Жорий мавсумда Фати барча мусобақаларда 11 учрашувда майдонга тушди, аммо гол ура олмади.
