"Кристал Пэлас" ҳимоячи Марк Гехининг келажаги борасида бир қарорга келди.
Give me Sport хабарига кўра, Лондон клуби Гехи шартномасини узайтирмаслигини тушуниб, уни сотишга қарор қилган.
"Бургутлар" ҳимоячини бир йил ичида текинга бой бермаслик учун уни сотишни маъқул кўради. Қайд этилишича, “Кристал Пэлас” 24 ёшли Гехининг трансферидан 50 миллион фунт стерлингдан (тахминан 58 миллион евро) ишлаб олишни режалаштирган.
Англия кубоги соҳиблари ушбу пулни Лиссабоннинг “Спортинг” клубидан ҳимоячи Усмон Диомандени сотиб олиш учун ишлатишлари мумкин.













