"Kristal Pelas" himoyachi Mark Gexining kelajagi borasida bir qarorga keldi.
Give me Sport xabariga ko‘ra, London klubi Gexi shartnomasini uzaytirmasligini tushunib, uni sotishga qaror qilgan.
"Burgutlar" himoyachini bir yil ichida tekinga boy bermaslik uchun uni sotishni ma’qul ko‘radi. Qayd etilishicha, “Kristal Pelas” 24 yoshli Gexining transferidan 50 million funt sterlingdan (taxminan 58 million yevro) ishlab olishni rejalashtirgan.
Angliya kubogi sohiblari ushbu pulni Lissabonning “Sporting” klubidan himoyachi Usmon Diomandeni sotib olish uchun ishlatishlari mumkin.













