Мадриднинг "Реал" клуби футболчиси Жуд Беллингем укаси Жобнинг Дортмунднинг "Боруссия" клубидаги дебют голига изоҳ берди.
"Асаларилар"нинг 19 ёшли янги футболчиси клублар ўртасидаги жаҳон чемпионатида "Мамелоди Сандаунс"га қарши кечган ўйинда рақиб дарвозасини ишғол қилди. Учрашув дортмундликларнинг 4:3 ҳисобидаги ғалабаси билан якунланди.
"Укамнинг голи? Ҳамма уни мендан яхшироқ дейишарди, шунинг учун бугун нимадир деб жавоб беришим керак эди. Мен ҳам гол урдим - энди ҳисоб 1:1. Кўрамиз, мусобақа охиригача нима бўларкин," - дея юзида табассум билан жавоб берди Жуд "Пачука"га қарши баҳсдан сўнг берган интервьюсида.
