"Манчестер Сити" бош мураббийи Хосеп Гвардиола ярим ҳимоячи Родрининг ўйини ҳақида фикр билдирди.

Клублар ўртасидаги жаҳон чемпионатининг бугунги "Ал-Айн"га (6:0) қарши баҳсида "Олтин тўп" соҳиби 61-дақиқада захирадан майдонга тушди ва голли узатмани амалга оширди.

"У 30 дақиқадан кўпроқ ўйнади, жуда яхши. Ҳозир у кўп ўйнай олмайди, унга ҳозирча яккакурашларда қийин, лекин бу нормал ҳолат, чунки у жуда узоқ вақт йўқ эди. Бугун у ўтган ўйинга қараганда яхшироқ ўйнади. Бизга у жуда етишмаяпти. Ҳеч бир жамоа дунёнинг энг яхши футболчисининг ўрнини боса олмайди. У босқичма-босқич формага киради," - деди Гвардиола DAZN билан суҳбатда.