Ярим ҳимоячи Поль Погба футболга қайтмоқда. Франциялик футболчи антидопинг қоидаларини бузгани учун дисквалификация қилинган бўлиб, бу жазо март ойида тугагани боис у анчадан бери майдонга тушмаганди. 32 ёшли ярим ҳимоячи энди янги клуб билан шартнома имзолаш арафасида турибди.
Le Parisien газетаси хабар беришича, Погба яқин кунларда "Монако" билан шартнома имзолайди. Музокаралар жараёнида томонлар келишувга эришиб, икки мавсумга мўлжалланган меҳнат шартномасини келишиб олишди. Пол молиявий масалаларда жиддий ён беришга рози бўлди.
Яқин кунларда "Монако" Погба билан шартнома имзолаганини расман эълон қилиши кутилмоқда.
