“Ал-Айн” дарвозасига 6 та гол урган “Ман Сити”нинг ўйинидан Илкай Гюндоган мамнун эмасди.

Манкунианликлар клублар ўртасидаги жаҳон чемпионатининг 2-турида БАА клубини мағлуб этишди (6:0). “Шаҳарликлар” сардори иккита гол урди ва учрашувнинг энг яхши футболчиси деб топилди.

"Охирида еттинчи гол керак деган ҳис бор эди. Танаффусда ўз олдимизга бу мақсадни қўйган эдик, лекин афсуски, иккинчи бўлимни етарлича яхши бошламадик, бироз суст бўлдик.

Биринчи бўлимда ҳам пас ва ўйин борасида унчалик аниқ бўлмаган қисқа даврлар бўлди.

Еттинчи гол бизга ёрдам берган бўларди, аммо бу ҳам муҳим эмас. Биз “Ювентус”га қарши ўйинда яхши ўйнаб, ғалаба қозонишимиз керак”, - дейди “Манчестер Сити” ярим ҳимоячиси.

“Сити” 26 июнь куни жаҳон чемпионатининг учинчи турида “Ювентус” билан ўйнайди.