"Ювентус" "Порту" билан вингер Франсишку Консейсау трансфери бўйича музокаралар олиб бормоқда.
Португалиялик футболчи 2024/25 йилги мавсумни Турин клубида ижара асосида ўтказди ва энди "кекса синьора" тўлақонли трансферни амалга оширишга ҳаракат қилмоқда. Яқинда "Ювентус" 22 ёшли футболчи бўйича "Порту"га илк расмий таклифни берди - келишувга ҳали эришилгани йўқ, дея хабар бермоқда инсайдер Жанлука ди Марцио. "Аждарлар" тахминан 30 млн евро сўрамоқда, "бьянконерилар" эса чегирма олишга уринмоқда.
Франсиско Консейсау "Ювентус" сафида барча мусобақаларда 39 та ўйинда 7 та гол ва 6 та голли узатмани ўз ҳисобига ёздириб қўйди. Transfermarkt порталида футболчининг нархи - 28 млн евро.
