Франциянинг "ПСЖ" клуби ва Россия терма жамоаси дарвозабони Матвей Сафонов ёзги трансфер ойнасида клубини ўзгартириши мумкин. Бу ҳақда инсайдер Эртем Шенер ижтимоий тармоқларда маълум қилди.
Манбага кўра, 26 ёшли россиялик футболчига Европанинг икки клуби қизиқиш билдирмоқда. Гап Англиянинг "Борнмут" ва Туркиянинг "Галатасарой" клублари ҳақида кетмоқда.
Эслатиб ўтамиз, Матвей Париж гранди сафига ўтган йилнинг ёзида "Краснодар"дан кўчиб ўтган эди. Ўтган мавсумда Сафонов "ПСЖ"нинг 17 та ўйинида қатнашиб, еттитасида ўз дарвозасини дахлсиз сақлаб қолган. Футболчининг французлар билан амалдаги шартномаси 2029 йилнинг ёзида ўз ниҳоясига етади.
