Бразилиялик мураббий Зико Европа жамоалари клублар ўртасидаги жаҳон чемпионатидаги ёмон ўйинлари учун баҳоналар ўйлаб топишаётганини айтди.
"Европа футболи ортиқча баҳоланган. Бунга чек қўйиш керак. Футбол Европага тегишли эмас. Ишлар яхши кетмаётганда европаликлар баҳоналар ўйлаб топишни бошлайдилар. Улар ноқулай шароитда қандай ўйнашни билмайдилар шекилли. Бирор нарса нотўғри кетса, иссиқ, мавсум тугаши ва шунга ўхшаш нарсалар ҳақида гап-сўзлар бошланади", - деди бразилиялик афсонавий собиқ футболчи.
Эслатиб ўтамиз, аввалроқ Бразилиянинг "Палмейрас" ва "Ботафого" клублари клублар ўртасидаги ЖЧ плей-офф босқичига йўлланмани қўлга киритганди.
