ФИФА ва ОФК ҳамкорлигида ташкил этилган семинар саудиялик тажрибали мутахассис, ФИФА инструктори Али Ал Таифи томонидан олиб борилмоқда.
Иштирокчиларга ВАР тизими бўйича сўнгги ўзгаришлар, халқаро тажриба ва ФИФАнинг долзарб тавсиялари тақдим этилмоқда.
Семинарда Суперлига баҳсларида фаолият юритаётган ВАР ва АВАР ҳакамлари иштирок этмоқда. Амалий машғулотлар, видеотаҳлил ва интерактив муҳокамалар орқали ҳакамларнинг малакаси ва техник тайёргарлиги янада такомиллаштириб борилмоқда.
Маълумот учун, ушбу семинар 25 июнь кунига қадар давом этади.
