“Интер” ҳужумчиси Меҳди Тареми Эрон пойтахтини тарк этди ва айни дамда Бушер шаҳрида бўлиб, у ерга бориш учун машинада минг километрдан ортиқ масофани босиб ўтди.

32 ёшли форвард қийин вазиятга тушиб қолди: Эроннинг ҳаво ҳудуди ёпиқлиги сабабли Тареми Милан клуби клублар ўртасидаги жаҳон чемпионатида иштирок этаётган АҚШга уча олмади.

У ҳозирда индивидуал дастур бўйича машғулот ўтказмоқда, вазият ҳал бўлишини ва жамоага қўшилиш имкониятини кутмоқда.

“Интер” раҳбарияти футболчи билан алоқада ва хавфсиз парвоз йўли очилиши билан форвард йиғинга қўшилишига умид қилмоқда.