"Челси" бош мураббийи Энцо Мареска клублар ўртасидаги жаҳон чемпионати гуруҳ босқичи 3-турида "Эсперанс"ни мағлуб этганидан сўнг (3:0) журналистлар билан суҳбатлашди.
“Кўклар” гуруҳнинг сўнгги ўйинидаги муваффақият эвазига 1/8 финалга чиқди, бироқ “Фламенго”дан кейин иккинчи ўринни эгаллади. Плей-оффнинг биринчи босқичида Лондон жамоаси “Бенфика”га қарши майдонга тушади.
"Мақсадимиз? Биринчидан, чорак финалга чиқиш керак. Чемпионлар лигаси финалида ўйнаган "Атлетико"дек жиддий клуб клублар ўртасидаги жаҳон чемпионатининг 1/8 финалига ҳам чиқа олмади", - деди Мареска ўйиндан кейинги интервьюсида.
"Челси"нинг "Бенфика" билан учрашуви 28 июн куни бўлиб ўтади.
