Италиялик мутахассис Стефано Пиоли Саудия Арабистонининг "Ан-Наср" клуби бош мураббийи лавозимини тарк этди. Бу ҳақда клуб матбуот хизмати хабар берди.
Олдинроқ матбуотда Стефано Италия А Сериясига қайтиши мумкинлиги ҳақида хабарлар тарқалганди. Мураббий хизматларига "Фиорентина" қизиқмоқда. Италия чемпионатида Пиоли "Интер", "Милан", "Лацио", "Болонья" ва "Фиорентина"даги фаолияти билан танилган. Стефано ўтган йилнинг сентябрь ойидан бери "Ан-Наср"ни бошқариб келаётганди. Унинг қўл остида жамоа Саудия Арабистони чемпионатининг 2024/2025 йилги мавсуми турнир жадвалида учинчи ўринни эгаллади.
