"Ботафого" сардори КЎЖЧ бошланишидан олдин клубга ишонмаганлар ҳақида гапирди.
Бразилия клуби клублар ўртасидаги жаҳон чемпионатининг 1/8 финалига чиқди ва "Б" гуруҳида иккинчи ўринни эгаллади. Бразилияликлар "матрасчилар"ни ортда қолдирди, бироқ қўшимча кўрсаткичлар бўйича "ПСЖ"га ютқазди (учала жамоа ҳам 6 очкодан жамғарди). Тўртинчи ўринни "Сиэтл" эгаллади.
"Албатта, биз ғалаба қозонишни хоҳладик ва ўйлайманки, бизда имкониятлар бор эди. Яхши ҳимояландик ва менимча, ҳеч бўлмаганда дурангга лойиқ эдик. Охирида гол ўтказиб юбориш жуда аламли бўлди, чунки биз гуруҳдан биринчи ўрин билан чиқмоқчи эдик.
Аммо биз хурсанд бўлишимиз керак, чунки турнир бошланишидан олдин ҳеч ким бизда Европанинг етакчи лигаларидаги иккита топ-клубга қарши имконият борлигига ишонмаганди. Бразилия футболи қандайлигини исботладик. Биз Жанубий Америка чемпионимиз ва ҳурматга лойиқмиз," - деди "Ботафого" сардори Марлон Фрейтас Globo телеканалига.
1/8 финалда "Ботафого" "Палмейрас" билан куч синашади.
