"Манчестер Сити" ярим ҳимоячиси Родри ўзининг аҳволи ҳақида гапирди.
"Мен ўзимни ажойиб ҳис қиляпман. Клублар ўртасидаги жаҳон чемпионатига келганимдан ва яна футбол ўйнаганимдан хурсандман. Тикланиш жараёни қийин кечди, лекин шошилмасликка, ижобий бўлишга ҳаракат қилдим. Эртами-кечми қайтишимни билардим ва бу кун ниҳоят келди. Ҳа, ўз даражамга қайтишимга бир неча ой керак бўлади, лекин ҳозир жуда хурсандман, чунки яна ўйнай оламан", - дейди футболчи.
Бугун "шаҳарликлар" клублар ўртасидаги жаҳон чемпионати доирасида "Ювентус"га қарши ўйинда майдонга тушишади.
