“Интер” клуби чап қанот ҳимоячиси Карлос Аугусто бошқа клублар эътиборини тортди.
26 ёшли футболчи Лондоннинг “Арсенал” клубининг радарига тушди, деб хабар беради FcInterNews. "Канонирлар" бразилиялик футболчи учун аввалроқ қизиқиш билдирилган "Атлетико Мадрид" билан рақобатлашиши керак.
“Нерадзуррилар” раҳбарияти футболчининг жорий мавсумдаги муваффақиятидан мамнун, шунинг учун улар 30 миллион евродан кам бўлган таклифларни ҳам кўриб чиқишмайди.
Transfermarkt экспертлари ўз навбатида Карлос Аугустонинг нархини 26 миллион еврога баҳоламоқда. Унинг "Интер" билан амалдаги меҳнат шартномаси 2028 йилнинг ўрталарига қадар тузилган.
