"Ювентус" "Фламенго" билан ўнг қанот ҳимоячиси Уэсли борасида музокара ўтказмоқда.
Турин гранди 21 ёшли футболчи учун 20 миллион евро таклиф қилди, кейин эса таклифни 22 миллионгача оширди - "Фламенго" рад жавобини берди, чунки у истиқболли футболчидан тахминан 30 миллион евро ишлаб олишни кутмоқда, дея хабар беради инсайдер Жованни Альбанезе. Яқин вақт ичида "кекса синьора" тахминан 25 миллион евро таклиф қилади, шундан 3 миллиони бонуслар. Италия клуби боссларининг фикрича, шунинг ўзи етарли бўлиши керак.
Уэслига "Челси," "Манчестер Сити," "Зенит," "Рома" ва бошқа клублар ҳам қизиқиш билдирган.
