"Yuventus" "Flamengo" bilan o‘ng qanot himoyachisi Uesli borasida muzokara o‘tkazmoqda.
Turin grandi 21 yoshli futbolchi uchun 20 million yevro taklif qildi, keyin esa taklifni 22 milliongacha oshirdi - "Flamengo" rad javobini berdi, chunki u istiqbolli futbolchidan taxminan 30 million yevro ishlab olishni kutmoqda, deya xabar beradi insayder Jovanni Albaneze. Yaqin vaqt ichida "keksa sinyora" taxminan 25 million yevro taklif qiladi, shundan 3 millioni bonuslar. Italiya klubi bosslarining fikricha, shuning o‘zi yetarli bo‘lishi kerak.
Uesliga "Chelsi," "Manchester Siti," "Zenit," "Roma" va boshqa klublar ham qiziqish bildirgan.













