CaughtOffside хабарига кўра, "Ньюкасл" "Манчестер Юнайтед" ҳужумчиси Маркус Рэшфордни ўз сафига қўшиб олиш учун жиддий қадамлар ташламоқда.
Англиялик футболчи "Юнайтед"га Рубен Аморим келиши билан асосий таркибдаги ўрнини йўқотгач, жамоани тарк этиши кутилмоқда. Бу унинг ўтган мавсумнинг иккинчи ярми учун "Астон Вилла"га ижарага берилишига олиб келди, аммо энди футболчи яна клубини ўзгартирадиган кўринади. Рэшфорднинг ўзи "Барселона"га ўтишни афзал кўрмоқда, аммо у каталонияликларнинг устувор мақсадига айланадими ёки йўқми, ҳозирча номаълум.
"Ньюкасл" бу ёзда ҳужум чизиғини кучайтиришга интилмоқда. Клуб аллақачон "Ноттингем Форест" вингери Энтони Элангани ўз сафига қўшиб олиш учун сўров юборган, аммо рад жавобини олган, шунинг учун Рэшфорд унга муқобил бўлиши мумкин. Ҳозирда манбаларнинг хабар беришича, "Ньюкасл" Рэшфордни ижарага олишга интилмоқда, гарчи "Юнайтед" футболчини доимий равишда сотмоқчи бўлса ҳам.
Қўшимча қиламизки, Маркус Рэшфорд "Астон Вилла" сафида барча мусобақаларда 17та ўйинда майдонга тушиб, 4та гол урган ва 6та голга ҳаммуаллифлик қилган.
