"Ливерпуль"нинг ҳужумкор ярим ҳимоячиси Харви Эллиотга бошқа клублардан ҳамон қизиқишлар бўлиб турибди.
22 ёшли футболчи "қизиллар"нинг асосий таркибига кира олмаяпти, аммо унга трансфер бозорида жиддий талаб бор. Журналистлар Люис Стиль ва Нейтан Солтнинг маълум қилишича, айни дамда Эллиотга "Брайтон," "Вест Хэм" ва "РБ Лейпциг" клублари даъвогарлик қилмоқда. "Ливерпуль" футболчининг сотувидан камида 40 млн фунт (47 млн евро) ишлаб олмоқчи ва унинг Европа чемпионатида Англия ёшлар терма жамоаси сафида ёрқин ўйин кўрсатганини ҳисобга олсак, футболчининг нархи фақат ошади.
Харви Эллиотт ўтган мавсумда Арне Слот жамоаси сафида 28 та ўйинда бешта гол ва бешта голли узатмага муаллифлик қилди.
