Винисиус Жуниорнинг "Реал" сафида урган голлари сони жамоанинг собиқ юлдузи Гарет Бэйлникига етиб олди.
Бразилиялик футболчи КЎЖЧ-2025да "Ред Булл Зальцбург"га қарши ўйиннинг 40-дақиқасида гол урди - бу 24 ёшли футболчи учун "қаймоқранглилар" сафидаги барча мусобақалардаги 106-гол бўлди. Бэйл ҳам шунча гол урган, Винисиус мадридликлар сафида 319 та, уэльслик футболчи эса 258 та ўйин ўтказган.
Винисиус Жуниор 2018 йилнинг ёзида "Реал"га ўтганди. Гарет Бэйл 2013 йилдан 2022 йилгача клубга тегишли бўлган.













