"Барселона" юлдузи вингери Рафинья клублар ўртасидаги жаҳон чемпионати ҳақида гапирди. Жиддий тақвимни ҳисобга олсак, бразилиялик турнирга яхши муносабатда эмас.
"Агар "ПСЖ" клублар ўртасидаги жаҳон чемпионати финалига чиқса, бир ойдан кейин УEФА Суперкубоги учун ўйин ўтказади. Турли фикрлар бор. Менинг нуқтаи назаримга кўра, таътилдан воз кечиш ва ўйнаш жуда ёмон. Ҳеч ким футболчилардан буни хоҳлайсизми, деб сўрамаган", - дейди Рафинья.
Эслатиб ўтамиз, “Барселона” клублар ўртасидаги жаҳон чемпионатида иштирок этмаяпти. Каталония жамоаси футболчилари айни дамда таътилда.
