"Ан-Наср" "Фламенго" ярим ҳимоячиси Жерсонни қўлга киритишга ҳаракат қилмоқда, унинг трансферини аввалроқ "Зенит" келишиб олганди, деб ёзади Globo.
Манбага кўра, "Ан-Наср" бир ҳафтадан бери футболчи билан музокаралар олиб бормоқда ва унга "Зенит"дан кўра фойдалироқ шартнома таклиф қилишга тайёр. Футболчини Саудия Арабистони жамоаси бош мураббийи бўлиши мумкин бўлган Жорже Жезуш олиб келишни талаб қилмоқда.
Аввалроқ журналист Венья Касагранде Жерсон клублар ўртасидаги жаҳон чемпионатидан кейин "Зенит"га ўтиши ва 5 йиллик шартнома имзолаши ҳақида хабар берганди. UOL портали хабарига кўра, "Зенит" футболчи учун 25 миллион евро товон пули тўлаши керак бўлади.
