"Пари Сен-Жермен" ҳимоя марказини кучайтиришга яқинлашмоқда - пойтахт клуби "Борнмут"дан Илья Забарний трансфери бўйича деярли келишувга эришди.
Sky Sports журналисти Флориан Плеттенбергнинг хабар беришича, украиналик ҳимоячи аллақачон "ПСЖ" билан принципиал келишувга эришган. Манбага кўра, келишув суммаси бонуслар билан бирга 70 миллион еврогача бўлиши мумкин.
Забарнийга бошқа топ-клублар, жумладан, "Ливерпуль" ҳам қизиқиш билдирган, аммо мерсисайдликлар томонидан аниқ қадамлар қўйилмаган.













