Мисрлик мураббийи Ҳуссам Ҳассан Иордания терма жамоаси бош мураббийи этиб тайинланди. Бу ҳақда бугун Иордания футбол ассоциацияси президенти шаҳзода Али бин Ҳусайн бу ҳақда эълон қилди.

Ҳасан футболчилик фаолияти давомида Мисрнинг энг яхши тўпурари бўлган. У энди ироқлик Аднан Ҳамаднинг ўрнини эгаллайди.

Ҳамад Уммон терма жамоасига қарши кечган ўйиндан кейин Иордания билан янги шартнома имзолашни истамаганди. Аммо ИФА раҳбари Али бин Ҳусайн ироқлик мураббий билан музокаралар олиб бориб, уни 3 ой ишлашга кўндирганлиги ҳақида гап-сўзлар тарқалганди. Бугун эса мисрлик мураббий Иорданияни расман қабул қилиб олиши ҳақида ахборот берилди.

2001-2007 йиллар оралиғида Иорданияни бошқа мисрлик мураббий Маҳмад ал-Жоҳарий бошқариб борганди ва у мамлакат футболи тарихида яхши из қолдирган. Ўтган йили 74 ёшида вафот этган Жоҳарий Иорданияни Осиё кубоги-2004да чорак финалгача олиб чиққан.

"Аднан Ҳамад даври якунланди. Энди Ҳуссам Ҳассан даври бошланмоқда. У Маҳмуд ал-Жоҳарийнинг издоши бўлади", дейди Али.

Ҳуссам Ҳассан 21 йил давомида (1985-2006) Миср терма жамоасини бошқарган. Сўнгги пайтда у Мисрнинг "Ал-Макаса" клубини бошқариб келаётганди.

Ушбу хабарни Ҳуссамнинг эгизак акаси Иброҳим Ҳассан ҳам тасдиқлади.

"Биз ҳали шартнома имзоламаган бўлсак-да, дастлабки келишувга эришдик. Бир неча кундан кейн Иорданияга йўл оламиз ва музокараларни якунлаймиз", дейди Ҳуссамга ёрдамчилик қилиб юрадиган Иброҳим.