"Пари Сен-Жермен" асосий таркибининг физиотерапевти Седрик Дюпюи 49 ёшида вафот этди.
Бу ҳақда клуб расмий манбалари маълум қилди. У йигирма йилдан ортиқ вақт давомида "ПСЖ" тизимида ишлаган ва замонавий тарих давомида жамоанинг ажралмас қисми бўлган. Мутахассиснинг ўлимига нима сабаб бўлганига аниқлик киритилмаган. Май ойида унинг ижтимоий тармоқлардаги саҳифаларида оила аъзолари билан тушган суратлари эълон қилинганди.
Париж клуби баёнотида таъкидланишича, Дюпюи ўйинчилар ва ходимлар орасида катта ҳурматга сазовор бўлган.













