"Pari Sen-Jermen" asosiy tarkibining fizioterapevti Sedrik Dyupyui 49 yoshida vafot etdi.
Bu haqda klub rasmiy manbalari ma’lum qildi. U yigirma yildan ortiq vaqt davomida "PSJ" tizimida ishlagan va zamonaviy tarix davomida jamoaning ajralmas qismi bo‘lgan. Mutaxassisning o‘limiga nima sabab bo‘lganiga aniqlik kiritilmagan. May oyida uning ijtimoiy tarmoqlardagi sahifalarida oila a’zolari bilan tushgan suratlari e’lon qilingandi.
Parij klubi bayonotida ta’kidlanishicha, Dyupyui o‘yinchilar va xodimlar orasida katta hurmatga sazovor bo‘lgan.













