Лондоннинг "Челси" клуби бош мураббийи Энцо Мареска жамоанинг аргентиналик ярим ҳимоячиси Энцо Фернандеснинг ўйини ҳақида фикр билдирди.
- Мен Энцодан жуда хурсандман. Биринчидан, у ажойиб йигит, хушмуомала ва шунчаки яхши одам. Иккинчидан, у бошиданоқ майдонда ҳам, унинг ташқарисида ҳам бизнинг барча жиҳатларимиз устида яхши ишлаяпти," - дея Маресканинг сўзларини келтиради Sky Sports.
Жорий мавсумда 24 ёшли Фернандес барча мусобақаларда 49 та ўйинда майдонга тушиб, 9 та гол урди ва 16 та голли узатмани амалга оширди.
