"Челси" клублар ўртасидаги жаҳон чемпионати 1/8 финалида "Бенфика"ни 120 дақиқалик ўйиндан сўнг мағлубиятга учратди (4:1).
Учрашувнинг 64-дақиқасида Рис Жеймс жарима зарбасидан гол уриб, ҳисобни очди. Охирида ҳакам об-ҳаво шароити туфайли ўйинни тўхтатди ва икки соатдан сўнг жамоалар майдонга қайтиб, баҳсни давом эттиришди. Ҳакам томонидан қўшиб берилган дақиқаларда Анхель ди Мария пенальтини аниқ амалга ошириб, мухлисларга иккита қўшимча бўлим тақдим этди. 108-дақиқадан 117-дақиқагача "кўклар" Кристофер Нкунку, Педру Нету ва Кирнан Дьюсбери-Холлнинг саъй-ҳаракатлари билан учта гол уришди.
Учрашувнинг энг яхши футболчиси унвонига Нетуга ассистентлик қилган Мойсес Кайседо сазовор бўлди. Эквадорлик тўп узатиш бўйича (116 та) энг яхши бўлди, шунингдек, учта қарши ҳужумни тўхтатди ва ўн марта жамоасига тўпни қайтарди қайтарди.
