Англия терма жамоаси ёшлар ўртасидаги Европа чемпионати финалида Германияни мағлуб этди (3:2). Ҳал қилувчи голни инглизлар биринчи экстра-тайм бошида уришди. Финалдаги биринчи гол муаллифи бўлган ҳужумкор ярим ҳимоячи Харви Эллиотт турнирнинг энг яхши футболчиси деб топилди. "Ливерпуль" вакили плей-оффнинг барча ўйинларида рақиблар дарвозасини ишғол қилди ва жами олтита баҳсда бешта гол урди.
22 ёшли Эллиотт ёзда "Ливерпуль"ни тарк этиши мумкин, чунки у Арне Слот даврида жамоанинг асосий таркибига кира олмаяпти. "Қизиллар"нинг умидли хавбекига "Брайтон", "Вест Хэм", "РБ Лейпциг" ва "Челси" клублари қизиқиш билдирмоқда.
