"Челси" клублар ўртасидаги жаҳон чемпионатида Жоао Педрони майдонга тушира олишига умид қилмоқда.
Журналист Бен Жейкобснинг ёзишича, клуб "Брайтон" форварди билан 3 июлга қадар шартнома имзолаши мумкинлигини истисно қилмаяпти - бу турнирда иштирок этиш учун янги футболчиларни рўйхатдан ўтказишнинг охирги муддати. Бразилиялик футболчи "Челси"га ўтишга қизиқиш билдирмоқда, клублар ўртасидаги музокаралар давом этмоқда.
Қайд этилишича, "Челси" яқин кунларда трансфер устидаги ишларни фаоллаштиради ва Педро жамоа билан ишлашни бошлаш ва эҳтимол клублар ўртасидаги ЖЧда ўйнаш учун АҚШга учиб кетишига умид қилмоқда. Шу билан бирга, ҳужумчига қизиқишни "Ньюкасл" сақлаб турибди.
Аввалроқ, "Брайтон" Педро бўйича 50 млн фунтдан ортиқ бўлган иккита таклифни рад этгани маълум бўлганди.
Педро АПЛнинг ўтган мавсумида 27 ўйинда 10та гол ва 6та ассистга муаллифлик қилган.
