Клублар ўртасидаги жаҳон чемпионати - 2025 1/8 финалидан ўрин олган "Манчестер Сити" - "Ал-Ҳилол" учрашуви арафасида Саудия Арабистони клуби бош мураббийи Симоне Индзаги Хосеп Гвардиола ва инглиз гранди билан бўлажак учрашув ҳақида фикр билдирди.
Ўйин 1 июль куни бўлиб ўтади.
"Мен уни қадрлайман, "Сити" билан ўйнаш ва Пепни кўриш ёқимли бўлади. Мен уни энг яхши мураббий деб биламан, унинг карьераси ҳаммасини айтиб турибди. Ва шунга қарамай, у ҳар доим ўзини такомиллаштиришга ҳаракат қилади. "Сити" бу турнирда фантастик футбол ўйнаётганини кўрдим. Улар билан ўйнаш мен учун катта шараф. Бундай ўйинлар бизни ўсишга ундайди. Биз биринчи кунданоқ топ-16 га кириш қийин бўлишини айтгандик, аммо мен ажойиб жамоа билан ишлаяпман," - дея Индзагининг сўзларини келтиради Marca.
