"Ювентус" Душан Влахович кетишга рози бўлмаса, уни таркибдан чиқариб юбориши мумкин.
La Gazzetta dello Sport нашрининг ёзишича, 25 ёшли форвард 2026 йилгача мўлжалланган амалдаги шартномани охиригача ишлаб, кейин эркин агент сифатида кетиш ва ҳозиргидек маош олишга ҳаракат қилмоқчи.
Сербияликнинг "Юве" билан шартномасида 7,5 млн евро кўрсатилган бўлиб, йиллик маош ўсиши 2025/26 йилги мавсумда 12 млн еврога етади.
Қайд этилишича, футболчи ва клуб ўртасидаги муносабатлар яхши эмас ва Влахович ён босишга тайёр эмас. Яқинларига у бу ёзда ҳеч қаерга кетмоқчи эмаслигини тан олди. Душан аллақачон "Фенербахче" таклифини рад этган ва уни қизиқтирадиган бошқа вариантлар ҳозирча йўқ.
Влаховичнинг сақлаб қолиниши жамоага Жонатан Дэвиднинг келиши ва Рандал Коло-Муани ижара муддатини узайтиришни қийинлаштириши мумкин. Таъкидланишича, агар Влахович муросага келмаса, клуб футболчини Федерико Кьеза билан бўлгани каби қайдномадан чиқариб юбориши мумкин.
