Миланнинг "Интер" клуби бош мураббийи Кристиан Киву жамоанинг клублар ўртасидаги жаҳон чемпионатидаги навбатдаги ўйини об-ҳаво шароити туфайли тўхтатилишидан хавотирда.
Бугун соат 00:00да "Bank of America Stadium"да 1/8 финал доирасида "нерадзуррилар"нинг "Флуминенсе"га қарши баҳси старт олади. Турнирнинг олтита ўйинида бўлгани каби, учрашув Шарлоттадаги ёмғир туфайли тўхтатилиши хавфи бор.
"Умид қиламанки, ўйингача қарор қабул қилинади, чунки огоҳлантириш бор. Ўйин икки соатга тўхтатилса, осон бўлмайди. Ўйинлардаги бундай узоқ танаффусларга умуман йўл қўйиб бўлмайди," - деди Киву матбуот анжуманида.
