"ПСЖ" бош мураббийи Луис Энрике клублар ўртасидаги жаҳон чемпионати 1/8 финалидан ўрин олган "Интер Майами"га қарши баҳсда дубль қайд этган ярим ҳимоячи Жоау Невешнинг ўйинига баҳо берди.
Португалиялик 6-дақиқада ҳисобни очган бўлса, 39-дақиқада парижликларнинг иккинчи голига муаллифлик қилди.
"У жуда ёш, аммо унинг интенсивлиги ва тўп билан ва тўпсиз ўйнаш сифати туфайли бизда унга ҳеч қандай шубҳа йўқ эди. Шу билан бирга, ўйлашимча, у ҳали кўп жиҳатдан яхшироқ бўлиши мумкин ва улардан бири - бугунги ўйиндаги каби гол уриш маҳорати. Жоау - ажойиб ўйинчи. Унинг жамоамизда тўп тепаётганидан жуда хурсандмиз," - дея Энрикенинг сўзларини келтиради ФИФА расмий сайти.
