"PSJ" bosh murabbiyi Luis Enrike klublar o‘rtasidagi jahon chempionati 1/8 finalidan o‘rin olgan "Inter Mayami"ga qarshi bahsda dubl qayd etgan yarim himoyachi Joau Neveshning o‘yiniga baho berdi.
Portugaliyalik 6-daqiqada hisobni ochgan bo‘lsa, 39-daqiqada parijliklarning ikkinchi goliga mualliflik qildi.
"U juda yosh, ammo uning intensivligi va to‘p bilan va to‘psiz o‘ynash sifati tufayli bizda unga hech qanday shubha yo‘q edi. Shu bilan birga, o‘ylashimcha, u hali ko‘p jihatdan yaxshiroq bo‘lishi mumkin va ulardan biri - bugungi o‘yindagi kabi gol urish mahorati. Joau - ajoyib o‘yinchi. Uning jamoamizda to‘p tepayotganidan juda xursandmiz," - deya Enrikening so‘zlarini keltiradi FIFA rasmiy sayti.
