Лерой Сане "Бавария" билан хайрлашди - у Туркиянинг "Галатасарой" клубига ўтмоқда.
Клублар ўртасидаги жаҳон чемпионати 1/8 финалидан ўрин олган "Фламенго"га қарши ўйин (4:2) вингер учун мюнхенликлар сафидаги сўнгги ўйин бўлди. 1 июлдан немиснинг "Галатасарой" билан шартномаси кучга киради.
"Юқорига кўтарилиш ва пастга тушиш бўлди, лекин мен бу ерда вақтимни ажойиб ўтказдим. Энди бу вақт ўтди, лекин мен буни ҳали англаб етганим йўқ. "Бавария"га келажакда энг яхши тилакларни тилайман - жамоа бунга лойиқ," - дея "Фламенго"га қарши баҳснинг иккинчи бўлимида захирадан майдонга тушган Саненинг сўзларини келтиради Bayern & Germany.
