"Бавария" спорт бўлими бошлиғи Макс Эберль "Штутгарт" ҳужумчиси Ник Вольтемадега қизиқиш бўлаётгани ҳақидаги маълумотга изоҳ берди.
Мюнхен гранди аллақачон 23 ёшли футболчи билан келишувга эришган, аммо ҳозирча "Штутгарт"га трансфер бўйича расмий таклиф келиб тушгани йўқ.
"Бизга бу футболчи қизиқ. Кўрамиз, бундан нима чиқишини. Бошқа ҳар қандай клуб каби "Бавария" ҳам телбаларча пул тўламайди," - дея жавоб берди Эберль DAZN'га берган интервьюсида Вольтамаде ҳақидаги саволга.
Миш-мишларга кўра, "Штутгарт" ҳужумчини сотмоқчи эмас, шунинг учун у учун тахминан 60 млн евро сўраган.
