"Арсенал" таркибни кучайтириш устида иш олиб бормоқда. Нуфузли инсайдер Фабрицио Романонинг ижтимоий тармоқларда ёзишича, дам олиш кунлари "канонирлар" "Кристал Пэлас" ҳужумкор ярим ҳимоячиси Эберечи Эзенинг атрофидагилар билан алоқага чиққан. Клублар даражасида ҳам алоқалар бўлиб турибди - "Арсенал" эҳтимолий битим шартлари ҳақида хабардор қилинди.
Шу билан бирга, 27 ёшли Эзега "Тоттенхэм"нинг қизиқиши сақланиб қолаётгани айтилмоқда. Футболчининг "Кристал Пэлас" билан амалдаги шартномаси яна икки мавсумга - 2027 йилнинг ярмигача мўлжалланган. Нуфузли Transfermarkt портали мутахассислари Эберечини 55 миллион еврога баҳоламоқда.
