"Вест Хэм"нинг ганалик ҳужумчиси Муҳаммад Кудус ёзда Лондоннинг "Тоттенхэм" клубининг устувор варианти ҳисобланади. Бу ҳақда журналист Мэтт Лоу хабар бермоқда.
Шундай қилиб, Кудуснинг шартномасида 85 миллион фунт миқдорида сотиб олиш банди мавжуд. Ушбу банд июль ойининг биринчи ўн кунлиги давомида амал қилади. Бироқ "шпорлар" оптимистик кайфиятда, лондонликлар бундан анча арзонроқ суммага битим туза олишига ишонишмоқда.
"Вест Хэм"нинг ўзи эса футболчини сотишга тайёр, бу "болғачилар"га ёзги таркибни қайта қуришни молиялаштиришга ёрдам беради.
Кудус 24 ёшда, у ўтган мавсумда Англия чемпионатининг 32 ўйинида бешта гол урди ва учта голли узатмани амалга оширди.
