"Наполи" бош мураббийи Рафаэль Бенитес жамоанинг уругвайлик ҳужумчиси Эдинсон Каванининг жамоани тарк этиши ҳақидаги фикрларга муносабат билдириб ўтди.
"Кавани кетишини истамасдим. Буни ҳеч ким, клубимиз президенти ҳам хоҳламаяпти. Ҳаммамиз унинг шартномасидаги банд ҳақида эшитганмиз, агар кимдир бу банддан фойдаланишни истаган тақдирда вазият бизнинг қўлимизда эмас. Аммо "Наполи"да ҳамма унинг қолишини ва яна сафимизда кўплаб голлар уришда давом этишини истамоқда. Уни яхши кўрувчи мухлислари учун яна бир йил қолиши мумкин", дейди Бенитес.