"Интер" 2025 йилда соврин ютиш учун сўнгги имкониятини қўлдан бой берди.

Кристиан Киву жамоаси 1/8 финалда “Флуминенсе”га имкониятни бой бериб (0:2) клублар ўртасидаги жаҳон чемпионатини тарк этди.

23 апрелга қадар “нерадзуррилар” тўртта турнирда ғалаба учун кураш олиб боришган, бироқ аввалига Италия кубоги ярим финалида “Милан”га ютқазган, бир ой ўтиб эса А Серияни иккинчи ўринда якунлаган, шундан сўнг “ПСЖ”га Чемпионлар лигаси финалида мағлуб бўлган (0:5).

“Интер” қишда Италия Суперкубоги финалида ҳам “Милан”га имкониятни бой берган эди.