"Интер" сардори Лаутаро Мартинес жамоа клублар ўртасидаги жаҳон чемпионатидан чиқиб кетганидан сўнг мухлислардан узр сўради.

Душанба куни бўлиб ўтган 1/8 финал учрашувида “нерадзуррилар” “Флуминенсе”га имкониятни бой беришди (0:2).

"Биз иссиқда, қуруқ майдонда ўйнадик, аммо шартлар иккала жамоа учун ҳам бир хил эди. Муаммо шундаки, биз турнирга руҳий чарчаб, баъзи футболчиларсиз етиб келдик. Мухлисларимиз ва бизни қўллаб-қувватлаш учун келган барча одамлардан узр сўрайман. Энди келаси мавсумни энг яхши тарзда бошлашимиз учун дам олишимиз керак", - деди аргентиналик ҳужумчи.

Эслатиб ўтамиз, турнир бошланишидан олдин "Интер" мураббийлик ўзгаришини амалга оширди. Симоне Индзаги "Ал-Ҳилол"га жўнаб кетди, унинг ўрнини эса Кристиан Киву эгаллади.