"Inter" sardori Lautaro Martines jamoa klublar o‘rtasidagi jahon chempionatidan chiqib ketganidan so‘ng muxlislardan uzr so‘radi.

Dushanba kuni bo‘lib o‘tgan 1/8 final uchrashuvida “neradzurrilar” “Fluminense”ga imkoniyatni boy berishdi (0:2).

"Biz issiqda, quruq maydonda o‘ynadik, ammo shartlar ikkala jamoa uchun ham bir xil edi. Muammo shundaki, biz turnirga ruhiy charchab, ba’zi futbolchilarsiz yetib keldik. Muxlislarimiz va bizni qo‘llab-quvvatlash uchun kelgan barcha odamlardan uzr so‘rayman. Endi kelasi mavsumni eng yaxshi tarzda boshlashimiz uchun dam olishimiz kerak", - dedi argentinalik hujumchi.

Eslatib o‘tamiz, turnir boshlanishidan oldin "Inter" murabbiylik o‘zgarishini amalga oshirdi. Simone Indzagi "Al-Hilol"ga jo‘nab ketdi, uning o‘rnini esa Kristian Kivu egalladi.