Мадриднинг “Реал” клуби собиқ бош мураббийи Карло Анчелотти ёш футболчиларга ишонишни истамагани учун кўп танқид қилинди.
Италиялик мураббий май ойи охирида ўз лавозимини тарк этиб, Бразилия терма жамоасидаги лавозимга ўтди. Унинг ўғли Давиде ҳам "Реал"да тўрт йил давомида отасининг ёрдамчиси бўлиб ишлаган. Ва Давиде нега дадаси ёш футболчиларга имконият бермаганини айтди.
"Нега биз ёшлардан фойдаланмадик? Асосий жамоада клуб катта маблағ сарфлаган кўплаб ажойиб футболчилар бор. Академиядаги футболчилар ўз сифатларини кўрсатиш учун кўпинча 10-15 ўйинга муҳтож бўлишади, "Реал"да эса бунга вақт йўқ. Лекин мен ёш футболчилардан бош тортганимизни инкор этаман", - дейди Давиде.
"Реал" сўнгги Ла Лигада иккинчи ўринни эгаллади ва Чемпионлар Лигасининг чорак финалига чиқди ва "Арсенал"га мағлуб бўлди.
