Эртага конфедерациялар кубоги ярим финали доирасидаги Испания ва Италия терма жамоалари ўртасидаги учрашув бўлиб ўтишидан хабарингиз бор. Эртага «мовий гвардия» қўмондони Чезаре Пранделли Марио Балотелли ва Иньяцио Абатенинг хизматларидан фойдалана олмайди.

Шу сабабдаб эртага мураббий 3-4-2-1 тактик схемаси билан ҳаракат қилиши кутилмоқда. Бу ҳақда Ла Газетта делло Спорт хабар бермоқда.

Манбада айтилишича, ягона ҳужумчи сифатида Алберто Жилардиньо ҳаракат қилади. Унинг ортида эса Маркизио—Кандрева жуфтлиги.

Пирло ва Де Россиларнинг ҳам эртага жамоасига ёрдам бериши кутилмоқда. Қанотлар Маджо ва Жаккеринига ишонилади. Ҳимоя учлигини Кьеллини, Бонуччи ва Бардзаллилар ташкил қилади.

Эслатиб ўтамиз, ўйин эртага Тошкент вақти билан 00:00да бошланади.